Donald Trump si Duçja: Më mirë një ditë si luan…
28/02/2016 19:55
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
“Mjafton vetëm premtimi i tij për t’u ndaluar hyrjen në Shtetet e Bashkuara të gjithë myslimanëve për të kuptuar që nuk ka asnjë ndryshim mes Donald Trump dhe Benito Musolinit”.
Kështu do të shkruante ndër të tjera Andrew Roberts në artikullin e publikuar prej tij në “The Telegraph” me titull “Donald Trump, Musolini i Amerikës”.
Në artikull, Roberts mundohet t’u mbushë mendjen lexuesve duke renditur një sërë arsyesh se përse Trump ngjasonte me diktatorin fashist italian të Luftës së Dytë Botërore.
Sigurisht, në 2016 shkrimi i tij ka gjetur më shumë skeptikë sesa përkrahës, por ai që ja lehtëson më shumë punën duket se është vetë kandidati favorit i republikanëve në garën për Shtëpinë e Bardhë.
Gafa (nëse mund të quhet e tillë) e Donald Trump ka mbërritur thuasje një muaj pas këtij shkrimit të Roberts. Kandidati republikan njihet si person tepër aktiv në rrjetet sociale dhe këtu gaboi…sërish. Sipas “New York Times’, në orën 06:13 Trump ripostoi një “cicërimë” në Twitter, ku shkruhej njëri prej citateve më të famshëm të “Duçes’.
“Më mirë 1 ditë si luan sesa 100 ditë si dele”, shkruhej aty…dhe nuk mbaron këtu. Postimi fillestar i takonte një llogarie me emrin parodike e quajtur “Il Duce” dhe ku në foton e profilit ndodhej fytyra e Donald Trump.
Menjëherë kanë nisur komentet qortuese në drejtim të kandidatit republikan, aq sa ky i fundit është detyruar që ta fshijë postimin, por jo para se ai “të merrte dhenë”.
Top Channel
