Jemen, sulm ajror pranë kryeqytetit Sana; 30 të vrarë
27/02/2016 19:15
Ishin rrëmbyer nga xhihadistët, lirohen 12 gratë në Nigeri 30/11 11:30
Të paktën 30 persona janë vrarë në një sulm ajror që ka goditur një treg në afërsi të kryeqytetit jemenas, Sana.
Banorët e zonës, të cituar nga mediat ndërkombëtare, deklaruan se, të paktën 30 persona të tjerë kanë mbetur të plagosur, shumica e të cilëve civilë.
Ende nuk është e qartë se kush i ka kryer sulmet, por rebelët Houthi kanë akuzuar koalicionin e udhëhequr nga sauditët.
Ofensiva saudite synon rivendosjen e qeverisë dhe zmbrapsjen e rebelëve besnikë të ish-presidentit Ali Abdullah Saleh.
Rreth 6 mijë persona janë vrarë që nga fillimi i fushatës ushtarake marsin e kaluar, shumica e të cilëve civilë.
Sulmi i sotëm është verifikuar në rajonin Nehm, në veri-lindje të Sanas, ku grupet e mbështetura nga koalicioni kanë avancuar në përpjekje për të arritur pozicionet e rebelëve, raporton agjencia e lajmeve AFP.
Një burim nga forcat e sigurisë tha për agjencinë e lajmeve “Saba” se në tërësi janë 60 personat e vrarë dhe të plagosur nga sulmi. Nga ana e tij, koalicioni i udhëhequr nga sauditët nuk e ka komentuar ngjarjen.
Top Channel
