Dronë amerikanë nga Italia për të luftuar ISIS
23/02/2016 08:50
Tjetër tragjedi në ujërat greke! Përmbytet gomonia, vdesin 8 emigrantë 25/11 13:24
Dronë të armatosur amerikanë do të nisen nga një bazë ushtarake në Itali për të kryer operacione kundër Shtetit Islamik në Libi dhe Afrikën e Veriut.
Lajmin e bën të ditur “Wall Street Journal”, sipas të cilës zhvillimi i ri vjen pas një vit negociatash mes qeverisë amerikane dhe asaj italiane.
Por ndezja e dritës jeshile nga Roma zyrtare ka ardhur me një kusht, që avionët e telekomanduar të përdoren vetëm për qëllime mbrojtëse, “konkretisht për të mbrojtur forcat speciale amerikane në Libi”.
Në lajmin e saj, “WSJ” citon burime nga administrata amerikane, të cilat saktësojnë se dronët e armatosur do të nisen në rast nevoje nga baza e Sigonelës, në Siçili, ku janë vendosur prej një viti.
Megjithatë, burime pranë Ministrisë italiane të Mbrojtjes kanë deklaruar se aktivitetet nuk kanë nisur ende dhe se herë pas here do të duhet autorizimi i qeverisë italiane, që ka kërkuar që operacionet të jenë të kufizuara.
Megjithatë, edhe Italia nga ana e saj ka ngritur nivelin e alarmit mbi situatën në Libi dhe muajin e kaluar ka vënë në funksion katër avionë të tipit “AMX” për misione zbulimi, në bazën e Trapanit.
Top Channel
