Pavarësisht se Shqipëria nuk e ka ende një datë për çeljen e negociatave me BE-në, Majlinda Bregu, kryetare e Këshillit Kombëtar të Integrimit, i ka kërkuar qeverisë vënien në dispozicion të dokumentit strategjik.
Bregu kërkoi gjithashtu konsultime nga qeveria me këtë këshill përpara miratimit të çdo dokumenti që lidhet me çështjen e negociatave. Ministrja e Integrimit Klajda Gjosha theksoi se asnjë dokument nuk do të kalojë në qeveri pa patur sugjerimet dhe vërejtjet e këshillit.
“Duhet t’i hedhim hapat një e nga një dhe në kohën e duhur” theksoi Gjosha.
Nënkryetari i këshillit, Taulant Balla propozoi hartimin e një rezolute nga Këshilli Kombëtar i Integrimit dhe miratimin nga Parlamenti për procesin e integrimit.
Top Channel
