PD: 1,1 mld lekë korrupsion me uniformat e policisë
12/02/2016 12:35
“Ç’lidhje kam unë”/ Basha tregon si u bë ministër Transportesh dhe si lindi projekti për rrugën e Kombit: Berisha më tha ‘Lul, ti je jurist dhe…’ 05/05 22:11
Partia Demokratike akuzoi ministrin e Brendshëm për klientelizëm dhe një aferë korruptive prej 1,1 miliardë lekësh me uniformat e reja të policisë.
“Pas uniformës së re të policisë që prezantoi Tahiri, fshihet një korrupsion prej 1.1 miliardë lekësh. Asnjë transparencë, asnjë informacion për procesin, për tenderimin. Kriteret teknike u përcaktuan sipas profilit të fituesit të paracaktuar”, deklaroi në një konferencë për shtyp, Enkelejd Alibeaj, kreu i Departamentit të Rendit dhe Sigurisë në PD.
Sipas Alibeajt, uniforma fituese u shpall nga Ministria e Brendshme përpara se vendimi të botohej në Fletoren Zyrtare.
“Asnjë e dhënë kush është dizanjuesi, pse u zgjodh ai, cili komision dhe si u bë vlerësimi? Mendimi i vetë policisë, i ekspertëve nuk është marrë në konsideratë. Një aferë e pastër korruptive, ku 1.1 miliardë lekë doroviten duke i ndarë me klientin e ministrit. Paratë e shqiptarëve trajtohen si të ishin portofoli privat i Tahirit”, thotë Alibeaj.
Top Channel
