Ai njihet si një ndër lojtarët më të talentuar gjermanë të gjeneratës së fundit, madje u shpall edhe lojtari më i mirë i ri si dhe golashënuesi më i mirë që në Botërorin e parë ku mori pjesë. Luan me gjigantët e Bundesligës, kampionët në fuqi të Bayern Munchen dhe sigurisht nuk mund të mungonte edhe një urim i tij për festat e fundvitit.
Bëhet fjalë për Thomas Muller, një prej lojtarëve më të shquar të Gjermanisë dhe bavarezëve, i cili në këtë ditë festive të lindjes së Krishtit ka zgjedhur rrjetet sociale për të bërë urimin e tij. E ka bërë në një mënyrë mëse të zakonshme, duke shoqëruar urimin e tij për disa orë të gëzueshme nëpër familjet e gjithsecilit me një puthje për bashkëshorten e tij.
Megjithatë, kjo gjë e zakontë ka edhe diçka të pazakonshme. Veç urimit në gjermanisht, fansave të tij u është drejtuar në të gjitha gjuhët e botës, ashtu siç bën zakonisht Ati i Shenjtë, kreu i katolikëve të të gjithë botës me fjalimin e tij “Ubi et Orbi”. Urimi i tretë, sigurisht duke u nisur edhe me rend alfabetik, i takonte gjuhës shqipe… Muller shkruan: Gëzuar Krishtlindjet! Një mesazh që gëzon pamasë veçanërisht tifozët shqiptarë të klubit bavarez, por pse jo edhe ata të Gjermanisë.
Top Channel
