Balla: PD me skenar për trazira në Kuvend
03/12/2015 22:45
“S’do të bëhen të gjithë shkencëtarë, juristë dhe ekonomistë”, Rama në podkastin “Flasim”: Të shtyjmë reformën për arsimin profesional 27/04 11:24
Taulant Balla foli për një skenar të parapërgatitur nga Partia Demokratike për të shkaktuar trazira në seancën plenare për të siguruar mbështetje në protestën e paralajmëruar të 8 Dhjetorit.
“Burime nga Partia Demokratike më thonë që ka qenë parapërgatitur një skenar për gjithë këtë. Ka qenë skenar që deputetët e Partisë Demokratike do të zaptonin foltoren për t’u treguar simpatizantëve ja ne po luftojmë këtu. Ka një problem të madh sot Partia Demokratike, nuk ngroh dot më elektoratin e vet”, tha ai në një lidhje të drejtpërdrejtë me Top Story-n.
Deputeti socialist deklaroi gjithashtu se sot drejtuesi real i Partisë Demokratike është Sali Berisha. “Është ai që vendos gjithçka brenda kësaj partie dhe fajtori për linjën politike të ndjekur prej Partisë Demokratike, që nuk drejtohet nga Lulzim Basha”, u shpreh ai.
Balla foli Balla foli edhe për ligjin e dekriminalizimit. Ai tha se ka mbetur faza e fundit e punës që ka të bëjë me ndryshimet kushtetuese.
Top Channel
