Berlin, Meta: Reforma në drejtësi do çojë në hapjen e negociatave

01/12/2015 14:15

Në Berlin, ku prej tre ditësh ka nisur një vizitë zyrtare, kryetari i Kuvendit, Ilir Meta është takuar me ministrin e Punës dhe deputetë të Parlamentit gjerman.

Meta ka shprehur bindjen se Shqipëria do të hapë negociatat vitin që vjen, duke besuar se miratimi i reformës në drejtësi do të mundësojë një hap të tillë.

“Për këtë është bërë punë e madhe, edhe nga ekspertët e Bashkimit Evropian dhe aktualisht jemi në momentin kur një draft propozimesh për ndryshime kushtetuese i është dërguar Komisionit të Venecias”, ka deklaruar Meta.

Ai ka shprehur besimin e tij se, “ky do të jetë një moment i rëndësishëm për Bashkimin Evropian, për të nxitur hapjen e negociatave me Shqipërinë”.

Top Channel