Përleshje e armatosur në Tetovë, pesë të plagosur

01/11/2015 13:10

Pesë persona janë plagosur rëndë nga të shtënat me armë zjarri në një përleshje që ka ndodhur mbrëmjen e së shtunës, në lagjen Drenovec të Tetovës.

Sipas policisë, në këtë përleshje kanë marrë pjesë tre persona nga fshati Dobrosht dhe dy nga Tetova.
 
Në incident, përveç pistoletave, janë përdorur edhe armë të ftohta.
 
Të gjithë personat e përfshirë në këtë përleshje kanë pësuar lëndime trupore dhe tre banorët e Dobroshtit janë derguar në Klinikën Spitalore të Tetovës, ndërsa dy të tjerët në Qendrën Klinike në Shkup.
 
Policia e Tetovës po punon për zbardhjen e rastit.

Top Channel