Gjykata hedh poshtë kërkesën e Mjacajt për gjykim të shkurtuar
29/10/2015 18:00
Debate në KLP, Tiranës dhe Elbasanit i mungojnë 51 prokurorë
18/07 21:17
Nën masa të forta sigurie, Gjykata e Shkallës së Parë në Shkodër ka zhvilluar të enjten pasdite seancën gjyqësore për shqyrtimin e kërkesës për gjykim të shkurtuar ndaj Sokol Mjacajt, personi i cili në fillim të muajit korrik qëlloi për vdekje dy turistët çekë gjatë një tentative grabitje me armë.
Sokol Mjacaj, i qetë dhe me një antiplumb në trup, i shoqëruar edhe nga Forcat e Ndërhyrjes së Shpejtë është paraqitur para trupit gjykues me akuzën për vrasjen makabre të dy turistëve çekë, Michael Savatos dhe Anna Kosinova në zonën e Dukagjinit.
I braktisur nga familjarët, Mjacaj që në fillim të seancës ka kërkuar që gjykata t’i caktojë një avokat mbrojtës. Gjykata i ka caktuar si avokat mbrojtës, avokaten Elvira Jakova, e cila sipas procedurave standarde i ka paraqitur trupit gjykues kërkesën për gjykim të shkurtuar.
Pasi ka dëgjuar dhe organin e akuzës, gjyqtari Arbër Celaj ka hedhur poshtë kërkesën e mbrojtjes për gjykim të shkurtuar.
Në seancën e radhës pritet dhe kërkesa e organit të akuzës për burgim të përjetshm për Sokol Mjacajn.
Top Channel
