Shembjet në rrugën Vlorë-Orikum për shkak të reshjeve janë shoqëruar edhe me rrëshqitjen e një mase shkëmbi, e cila rrezikonte shembjen mbi rrugë në çdo moment.
Për këtë arsye, Bashkia e Vlorës kërkoi ndihmën e Ministrisë së Mbrojtjes dhe, sot ekspertët xhenierë vendosën një sasi prej 5 kilogramë tritol, duke hedhur në erë shkëmbin prej 110 metër kub.
Reshjet e së shtunës dhe së dielës së kaluar shkaktuan përmbytje të mëdha në Vlorë, por edhe bllokim të aksit Vlorë-Orikum për shkak të shembjes së rrugës. Bashkia e Vlorës nisi menjëherë punën për hapjen e rrugës, por edhe eliminimin e pasojave që lanë pas reshjet e shumta.
Top Channel
