Serbia dhe Kroacia zgjidhën konfliktin 6-ditorë të mbylljes së kufirit për mallra dhe më pas edhe për njerëz.
Nota proteste e deri tek ofendimet si popull barbar apo banda të organizuara ishin shkëmbimet diplomatike mes të dyja vendeve.
“Porta e Europës” është hapur sërish në një konflikt të pafund politik deri tek ofendimet ndërshtetërore. Në orët e mbrëmjes kroatët vendosën të hapin kufirin pas pengesave që i kishte bërë Serbisë, e cila në revansh bllokoi prodhimet kroate. Por, bllokimi i kroatëve nënkupton edhe bllokimin e Bashkimit Europian, por kjo për Serbinë nuk paraqiti problem.
Për ta zgjidhur këtë konflikt Serbinë e vizitoi, Johanes Han, komisioneri për Zgjërim i BE-së. Pas vizitës së tij kamionët u nisën në drejtim të Kroacisë. Një pjesë e tyre u kthyen në gjendje emigrantësh në kolona që asnjëherë nuk janë parë në këtë vend, në ndihmë u vinin kolegët e tyre nga Serbia, të bllokuar në njërin prej korridoreve më të rëndësishme të Europës.
Por, në këtë atmosferë pakënaqësish të Europës në krizë dhe solidaritetit, në tokën e askujt në Kroaci radhët e refugjatëve shtohen çdo ditë. Ata presin që në mënyrë të organizuar të kalojnë kufirin kur t’u vijë radha.
Flitet për mundësinë e kalimit në anën tjetër edhe përmes rrugëve të reja në Hungari e Rumani.
Top Channel
