Nëse me ndihmën e BE-së dhe SHBA-ve nuk arrihet marrëveshje për formimin e qeverisë dhe mekanizmave që do të mundësonin demokratizimin e institucioneve dhe zgjedhje të lira, LSDM do të kërkojë alternativa të tjera për të realizuar këto qëllime.
Kështu ka deklaruar drejtuesi i opozitës maqedonase, Zoran Zaev në një takim me deputetin e Parlamentit francez, Filip Diran, si dhe me ambasadoren franceze në Shkup, Lorens Oer.
Siç bëjnë të ditur nga LSDM-ja, në këtë takim është biseduar për mundësitë që kriza politike në Maqedoni të zgjidhet me ndihmën e përfaqësuesve ndërkombëtarë.
“Janë të nevojshme garanci për implementimin e rekomandimeve të raportit të ekspertëve të KE-së, sepse fushat e shënuara si kritike janë po ato që pengojnë funksionimin demokratik të institucioneve të sistemit, të cilat janë tërësisht të partizuara, si dhe për organizimin e zgjedhjeve”, ka thënë Zaev.
Top Channel