PD: Lejet për klinikën e doktor Kosovës i ka firmosur Rama. Veliaj shpif

30/05/2015 00:00

Partia Demokratike ka reaguar këtë të shtunë rreth akuzave të adresuara ndaj kandidatit të saj për Tiranën, nga rivali i majtë Erion Veliaj, për një ndërtesë pa leje 5-katëshe në kryeqytet.

Në një deklaratë për mediat, përfaqësuesja e PD-së, Reila Bozdo ka deklaruar se, ka qenë vetë Edi Rama, në kohën kur ishte kryetar bashkie, ai që ka firmosur lejen e ndërtimit të klinikës së mjekut të njohur.

“Edi Rama e bëri qesharak kandidatin e tij për Tiranën, kur e nxorri dje të sulmojë doktor Halim Kosovën në lidhje me godinën e klinikës, që sipas tij është ndërtuar pa leje. Edhe më qesharak u bë kandidati po të keni parasysh mllefin që përdori dje me këto akuza, bazuar në mashtrim e shpifje. Lejen e ndërtimit për rikonstruksion objekti dhe lejen e ndërtimit për shtesë objekti, Edi Rama i ka firmosur në vitin 2004, kur ishte kryetar bashkie, për klinikën e zotit Kosova. Dokumenti zyrtar ka firmë dhe vulë. Kjo është e vërteta. Kjo është e vërteta e dokumentuar, për të cilën askush nuk kishte dyshim, sepse Halim Kosova asnjëherë në jetën e tij nuk ka shkelur ligjin. Atëherë pse Erion Velia, gënjen, mashtron dhe shpif? Me siguri e ka nga halli”, ka deklaruar shkurt përfaqësuesja e PD-së.

FOTO GALERI
1/4
Leja e ndërtimit e firmosur nga Edi Rama

Top Channel