Ambasada amerikane dhuron gjak
16/04/2015 00:00
Ambasada amerikane në Tiranë i është bashkuar fushatës ndërgjegjësuese për të nxitur qytetarët në dhurimin vullnetar të gjakut.
Si pjesë e kësaj fushate, në ambientet e Ambasadës të gjithë punonjësit e selisë diplomatike të Uashingtonit në Tiranë, përfshi këtu edhe vetë ambasadorin Donald Lu, dhuruan gjak.
“Dhurimi i gjakut nuk kërkon më shumë sesa disa minuta nga koha juaj, por dhuron një jetë të tërë për dikë tjetër. Ju ftoj të gjithëve që të mbështesni Kryqin e Kuq Shqiptar,” tha Ambasadori Lu.
Dhurimi i Gjakut nga Ambasada Amerikane në Tiranë është një aktivitet që mbahet çdo vit në bashkëpunim me Kryqin e Kuq Shqiptar.
Top Channel