Meta takon Hasanin: Zbatimi i Kushtetutës u shërben të gjithë qytetarëve
08/04/2015 00:00
Debatet për Reformën Zgjedhore/ “Rithemelimi” kërkon rikthim te marrëveshja e 5 qershorit, me lista të hapura
25/04 16:04
Kryetari i Kuvendit, Ilir Meta, u takua sot me Kryetarin e Gjykatës Kushtetuese të Kosovës Enver Hasani, të cilin e vlerësoi për angazhimin disavjeçar në drejtimin e një institucioni të rëndësishëm, siç është Gjykata Kushtetuese.
Sipas zyrës së shtypit të Kuvendit, z. Meta shprehu mbështetjen e pakursyer të Shqipërisë në forcimin e mëtejshëm të institucioneve kushtetuese dhe shtetërore në Kosovë, si një garanci për mirëfunksionimin e jetës demokratike të vendit dhe për garantimin dhe mbrojtjen e të drejtave të njeriut. “Kushtetuta dhe zbatimi i saj u shërben të gjithë qytetarëve të Kosovës”, theksoi ai.
Ndërsa z. Hasani shprehu vlerësimin për mbështetjen e vazhdueshme institucionale të Shqipërisë ndaj Kosovës dhe mirënjohjen për kontributin e Kuvendit të Shqipërisë në këtë drejtim.
Meta dhe Hasani vlerësuan se “konsolidimi i jetës institucionale në bashkëpunim me partnerët tanë ndërkombëtarë, e përshpejton ritmin e integrimit europian të të gjitha shteteve të rajonit tonë”.
Top Channel
