Situata në rrugë pas reshjeve, ende nevojë për zinxhirë
10/02/2015 00:00
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Për shkak të reshjeve të ditëve të fundit, ku nuk kanë munguar as ato të dëborës, Autoriteti Rrugor në vend ka raportuar të martën mbi gjendjen e akseve rrugore kryesore në vend.
Sipas një komunikate për shtyp, akset Tiranë-Antenë Dajt dhe Tiranë-Priskë mund të kalohen vetëm me zinxhirë dhe po ashtu akset Priskë-Qafë Mollë dhe Qafë Mollë-Bizë.
Në Elbasan, aksi Librazhd-Lunik është i hapur dhe kalohet normalisht, ndërsa akset e tjera të këtij qarku, Lunik-Fushë Studë dhe Fushë Studë-Steblevë, janë respektivisht i kalueshëm me zinxhirë dhe i bllokuar nga dëbora.
I bllokuar rezulton edhe segmenti Cërrik-Banjë-Gramsh për shkak të daljes nga shtrati të lumit Devoll, ndërsa Elbasan-Gjinar është i ndërprerë.
Në pjesën Ura e Pilzës-Çorovodë ka rënie gurësh, ndërsa e njëjta situatë paraqitet edhe në pjesën Gjirokastër-Tepelenë, në vendin e quajtur Shkalla e Zezë.
Top Channel
