Gjashtë persona janë vrarë me armë zjarri dhe një tjetër është plagosur në Philadelphia gjatë ditës së hënë, kanë bërë të ditur zyrtarët vendas.
Policia e Montgomery-t është vënë në kërkim të personit të dyshuar si autor i ngjarjes, i cili është identifikuar si Bradley William Stone, 35 vjeç. Banorëve i është kërkuar të qëndrojnë në ambiente të mbyllura, pasi i dyshuari lëviz i armatosur dhe është i rrezikshëm.
35-vjeçari vrau ish-gruan e tij Nicole Stone, nënën dhe gjyshen e saj, si edhe motrën e Nicole dhe bashkëshortin e saj së bashku me vajzën 14 vjeçare.
Mediat lokale raportojnë se të shtënat kanë nisur në shtëpinë e motrës së ish-bashkëshortes së autorit të ngjarjes, ku ajo mbeti e vrarë së bashku me bashkëshortin dhe vajzën 14 vjeçare, ndërsa djali 17-vjeçar ka mbetur i plagosur rëndë. Më pas personi i armatosur shkoi në shtëpinë e nënës së Nicole, duke e ekzekutuar atë së bashku me gjyshen.
Bradley William Stone, i cili dyshohet si autorë i kësaj ngjarje të tmerrshme, më vonë ekzekutoi edhe ish-gruan e tij, Nicole Stone, në shtëpinë e saj në Harleysville.
Sipas raporteve të para dyshohet se konfliktet mes autorit dhe ish-gruas së tij dyshohet të kenë nisur nga një mosmarrëveshje mbi kujdestarinë e dy fëmijëve, të cilët janë gjetur të pa lënduar në një distancë jo shumë larg nga banesa, ku mbeti e vrarë nëna e tyre.
Pas marrjes së njoftimit për ngjarjen e rëndë, policia u vu menjëherë në kërkim të personit të dyshuar, i cili u mendua se ishte fshehur në banesën e tij, por më pas kjo u përgënjeshtrua nga vetë ata.
Telefoni dhe makina e 35 vjeçarit është gjendur, ndërsa për të ende nuk dihet asgjë ku është fshehur.
Top Channel
