Kryeministri Edi Rama u përfshi në replikat mes Partisë Demokratike dhe
Ministrisë së Punëve të Brendshme për ligjshmërinë e mbajtjes në
komisariatin 3, në Tiranë të një vajze 5-vjeçare, nëna e të cilës u
shoqërua për mospagim dhe vjedhje të energjisë elektrike.
Kryeministri Rama e cileson krim mbajtjen e nje femije ne qeli, por me pyetjen qe ngre ne postimin e tij ne Facebook, ai le te kuptohet se nuk eshte ky rasti qe ka ndodhur ne Tirane dhe se akuza e Partise Demokratike per shoqerimin e vajzes 5- vjeçare ne polici, eshte nje sajese monstruoze, qe po perdoret politikisht nga opozita.
Sipas Ministrise se Puneve te Brendshme, vajza eshte marre me vete me deshiren e nenes se saj, kur u shoqerua per t’u pyetur dhe eshte krijuar mundesia qe te qendroje jo ne dhomat e te shoqeruarve, por ne nje ambient te pershtatshem. Reagimi i Partise Demokratike per keto qendrime ishte shume i ashper, sepse opozita e konsideron mbajtjen e femijes ne komisariat nje shkelje te shumifishte te kushtetes dhe te konventave nderkombetare qe mbrojne femijet.
“Ministria e Brendshme, Policia e Shtetit dhe Edi Rama e kanë thelluar në mënyrë kriminale skandalin e mbajtjes në komisariat të vajzës 5-vjeçare për më shumë se 8 orë. Në çdo vend demokratik, Kryeministri dhe Ministri i Brendshëm do të ishin alarmuar, do të ishin vënë në lëvizje për të marrë masa ndaj përgjegjësve. E vetmja gjë që bën Kryeministri Rama janë sulmet ndaj opozitës, e cila nxori në dritë këtë abuzim”, u shpreh Gazmend Bardhi, këshilltari ligjor i Partisë Demokratike.
Partia Demokratike i kerkoi Prokurorise te veproje me shpejtesi per te cuar te gjithe pergjegjesit perpara drejtesise.
“Derisa Edi Rama dhe Ministri i tij, nuk shfaqin asnjë shenjë pendese, asnjë shenje reflektimi, duke mos nxjerrë përgjegjësit e përgjegjësitë, ne i kërkojmë Prokurorisë të nisë menjëherë procedimin penal ndaj policëve e shefave të tyre, ndaj gjithë segmentit që është përfshirë dhe kanë pasur dijeni për këtë vepër penale. Kjo polici që nuk kursen as një vajzë 5 vjece, është e rrezikshme, nuk i shërben qytetarëve, është e shurdhër dhe e verbër, duke shërbyer politikisht Ministrin dhe Kryeministrin. Ndaj ne inkurajojmë Prokurorinë të vihet në lëvizje sot për ti caktuar kufinjtë ligjorë bandës së Tahirit dhe Edi Ramës”, tha Bardhi.
Top Channel
