Tërmet i fuqishëm në Kinë, viktima e të plagosur
08/10/2014 00:00
Kievi goditet nga sulme intensive me dronë, Putini refuzon ofertën për armëpushim nga Trump 04/07 18:51
Kina është goditur sërish nga një tjetër tërmet i fuqishëm, këtë herë me magnitudë 6.4 ballë.
Nga të dhënat e para, autoritetet vendase bëjnë të ditur se të paktën një person ka mbetur i vdekur ndërsa 324 të tjerë janë plagosur, ndërsa mediat lokale raportojnë për 5 viktima.
Epiqendra e tërmetit ishte në provincën Yunnan në jugperëndim të Kinës me një thellësi 10 kilometra.
Sipas “Xinhua” agjencia zyrtare kineze e lajmeve tërmeti ka shkaktuar dëme të konsiderueshme materiale në qytetin e Yunnan si edhe në disa qytetet të tjera përreth tij.
Më shumë se 1 mijë pjesëtarë të grupeve të shpëtimit po punojnë për t’i ardhur në ndihmë personave të dëmtuar nga tërmeti.
Më shumë se 600 persona vdiqën në muajin gusht në Kinë, pasi një tërmet 6.3 ballë goditi qytetin Yunnan. Në vitin 2008 vdiqën 70 mijë persona në provincën Sichuan pas një tërmeti të fuqishëm.
Top Channel
