Ekstremizmi, Thaçi reagon në Facebook

Përmes një shkrimi në Facebook, Thaçi ka thënë se Kosova kurrë nuk do të jetë “tokë pjellore” për radikalët apo ekstremistët, që tentojnë të ndryshojnë synimet e qarta euroatlantike të shoqërisë, shtetit të Kosovës dhe kombit shqiptar.

Urrejtja ndaj pakicave, tendenca që të importohen nga fenomene të huaja si anti-semitizmi apo radikalizmi fetar, sipas Thaçit, do të kundërshtohen me të gjitha kapacitetet e shtetit dhe të ligjit.

“Armiqtë e demokracisë dhe të vlerave civilizuese perëndimore nuk do të gjejnë strehë në tokën e atdheut tonë. Ky është premtimi im dhe besoj edhe i tërë lidershipit demokratik kosovar”, ka shkruar Thaçi.

Kryeministri në detyrë ka thënë se institucionet e Kosovës do të mbesin besnike ndaj respektimit të Kushtetutës dhe do të luftojnë çdo ditë dhe në çdo vend, çfarëdo forme të shfaqur të ekstremizmit.

Top Channel