PD: Rama promovon Ndokën
24/07/2014 00:00
“Sjellje prej të forti në botën e bandave”, Alban Dudushi për gjuhën e Metës drejt SPAK: Pse heshti kaq kohë? Kërkoi një pazar, por… 17/04 22:39
Partia Demokratike ka akuzuar kryeministrin Edi Rama, njëherësh kryetar i mazhorancës parlamentare, se promovon elementët kriminalë në partinë e tij.
Në një deklaratë për shtyp, koordinatorja për mediat në PD, Silvi Bardhi i është referuar deputetit Arben Ndoka, i cili pasi sulmoi deputetët e opozitës është ulur në rreshtin e parë në sallën e Kuvendit, kur flitet për rendin dhe sigurinë.
Gjithashtu, PD ka kritikuar ashpër kryeministrin Rama edhe për heshtjen ndaj provave të treguara për përfshirjen kriminale të Ndokës, si dhe kryetarin e Kuvendit Ilir Meta, për përfshirje sipas saj në këtë lojë.
“Edi Rama prej dy javësh hesht për agresionin banditesk ndaj deputetëve të opozitës në Parlament. Hesht edhe pse u publika dosja e tij kriminale dhe depërtimi i trafikantëve të qënieve njerëzore dhe pengmarrësve në Parlament. Sot në këtë lojë është përfshirë edhe Ilir Meta, që tha se opozita është në pushime të parakohshme. Kjo është e papranueshme, pasi opozita ka ndërprerë marrëdhëniet me atë Parlament ku është instaluar krimi, me qëllim për të shmangur gjakderdhjen”, ka deklaruar Bardhi.
Top Channel
