Skema e dëmshpërblimit të ish të përnjekurve politikë duhet të përshpejtohet pasi deri më sot vetëm 20% e tyre kanë mundur të marrin paratë nga shteti për vitet e kaluara në burg.
Ministri i Mirëqenies Sociale, Erion Veliaj, e bëri këtë deklaratë ndërsa shpërndau këstin e parë të pagesave për 200 familjarë të ish të përndjekurve politikë.
“20% në 24 vjet do të duheshin 120 vjet me këtë ritëm. Jemi në diskutime me Ministrinë e Financave që për vitin tjetër të rrisnim fondin, çka do na mundësonte të bënim më shumë pagesa dhe në kohë efiçente”, tha Veliaj.
Veliaj tha se vitin e ardhshëm do i kërkohet Ministrisë së Financave që fondi për dëmshpërblimin e të përndjekurve politikë të rritet të paktën me 2 milionë dollarë.
Drejtori i Institutit të Integrimit të të Përndjekurve Politikë, z. Bilal Kola, tha se skema e dëmshpërblimit e propozuar me projektligjin e ri është solidare dhe favorizon fillimisht ata që janë gjallë.
Top Channel
