Vicente Del Bosque ka publikuar listën paraprake të 30 lojtarëve spanjollë të grumbulluar për Botërorin e Brazilit, ku bien në sy lojtarë të rinj si De Gea, Carvajal, Alberto Moreno, Iturraspe dhe Diego Costa, ndërsa mungesa nga grupi i mëparshëm i kampionëve në fuqi të Botës dhe Europës është lojtari i Realit të Madridit, Alvaro Arbeloa.
Lista përfundimtare do të bëhet publike në 25 maj, një ditë pas finales së Ligës së Kampioneve.
Trajneri Del Bosque ka zëvendësuar të dëmtuarin Victor Valdes me portierin e Manchester United, David De Gea. Gjithashtu ka grumbulluar vetëm 3 mbrojtësa qendre (Ramos, Piqué dhe Albiol) pasi do të përdorë në mbrojtje Sergio Busquets dhe Javi Martinez nëse do i nevojitet gjatë kompeticionit.
Nga grupi fitues i Botërorit 2010 mungojnë 5 futbollistë: Víctor Valdés, Joan Capdevila, Carles Puyol, Carlos Marchena dhe Alvaro Arbeloa.
Ja lista paraprake e Spanjës:
Portierë: Iker Casillas (Real Madrid), Pepe Reina (Napoli) dhe David de Gea (Manchester United).
Mbrojtës: Sergio Ramos (Real Madrid), Gerard Piqué (Barcelona), Raúl Albiol (Napoli), Javier Martínez (Bayern Munchen), Juanfran Torres (Atletico), Jordi Alba (Barcelona), César Azpiliciueta (Chelsea), Dani Carvajal (Real Madrid) dhe Alberto Moreno (Sevilla).
Mesfushorë: Xavi Hernández (Barcelona), Xabi Alonso (Real Madrid), Andrés Iniesta (Barcelona), Koke Resurrección (Atlético), Sergio Busquets (Barcelona), Santi Cazorla (Arsenal), Ander Iturraspe (Athletic), Cesc Fábregas (Barcelona), Thiago Alcántara (Bayern Munchen), Juan Mata (Manchester United), David Silva (Manchester City), Pedro Rodríguez (Barcelona) dhe Jesús Navas (Manchester City).
Sulmues: Diego Costa (Atlético), David Villa (Atlético), Fernando Torres (Chelsea), Álvaro Negredo (Manchester City) dhe Fernando Llorente (Juventus).
Top Channel
