Marco van Basten nuk është përmbajtur aspak kur është pyetur nga ‘Sky’ për punën që po bën Clarence Seedorf si trajner i Milanit, duke deklaruar se nëse do të varej nga ai, kurrë nuk do i besonte bashkëkombasit të tij pankinën e kuqezinjve.
“Milanit i duhet një trajner më ekspert. Mendoj se një si Donadoni do të ishte perfekt pasi ka 15 vite që është trajner”, tha lojtari më i mirë në historinë e Milanit.
Ideja e Van Bastenit është shumë e thjeshtë: “Skuadrës i duhet eksperiencë ose të paktën një trajner i talentuar si Inzaghi.”
Marrëdhënia Seedorf-Van Basten nuk ka qenë kurrë e mirë. Si trajner i Hollandës, ish-sulmuesi nuk e grumbulloi trajnerin aktual të Milanit në Europianin e vitit 2008 duke e konsideruar si jo të aftë për të udhëhequr kombëtaren e asaj kohe.
Në fund, disa fjalë për Balotellin: “Është një lojtar i jashtëzakonshëm që tani, por nëse kërkon të bëhet një kampion i madh, duhet të ketë një qëndrueshmëri më të madhe në mendjen e tij.”
Top Channel
