Leo Messi do të firmosë kontratën e tij të re me Barcelonën javën e ardhshme dhe sipas EFE-s, argjentinasi do të fitojë 20-22 milionë euro në sezon duke u bërë kështu futbollisti më i paguar në botë.
Sulmuesi i katalanasve do të përfitojë gjithashtu bonuse nëse sezonet e ardhshme do të jenë të suksesshme për Barcelonën dhe fitimet e tij nga kontrata do të shkonin rreth 30 milionë euro në sezon.
Nuk ndryshon shuma që duhet të paguajë një klub tjetër nëse kërkon të blejë Messin. Do të vazhdojë të jetë 250 milionë euro.
Në kontratën e re parashikohet gjithashtu që Messi do të ndajë me klubin një pjesë të fitimeve nga e drejta e tij e imazhit, gjë që nuk e ka bërë vitet e fundit.
Top Channel
