Pirlo-Juventus, së bashku deri në 2016-n, pra edhe për 2 sezone të tjera. Andrea Pirlo kërkon ta mbyllë karrierën e tij të shkëlqyer me fanelën bardhezi.
Ajo që prezumohej prej kohësh është çertifikuar me akordin e arritur, firmën në kontratë edhe për 2 vjet dhe nga njoftimi që erdhi pas natës së trishtë e me reshje në “Juventus Stadium”, ku u pa një “Europë armike” dhe një Benfica që nuk “fuste ujë” nga asnjë anë.
Pirlo, i cili e çon në 5 numrin e sezoneve bardhezi, nënkupton edhe njëherë vazhdimësinë e projektit dhe preludin e asaj që Juventus do të kërkojë, ndoshta me një ngulmim të madh, vitin e ardhshëm: një vend në podin e Champions League, pse jo edhe titullin kampion Europe.
Pikërisht atë që mund t’ia japë Pirlo, i cili mbush 35 vjeç më 19 Maj të këtij viti, por që vetëm koha do ta vërtetojë. Me siguri, duke parë gjendjen e tij fizike dhe dëshirën e madhe për futboll të nivelit të lartë, nuk do të jetë një kontribut i paktë.
Top Channel
