Trajneri i Bayer Munich, Pep Guardiola ka insistuar se nuk do ta
ndryshojë filozofinë e tij të futbollit, pavarësisht kritikave në adresë
të tij.
Taktikat e ish-teknikut të Barcelonas janë vënë në dyshim pasi ekipi i tij shfaqi një performancë sterile në dy ndeshjet kundër Real Madrid, që në total përfunduan 5-0 për spanjollët.
Por Guardiola, që e ka udhëhequr Bayern drejt titullit në Bundesligë në sezonin e tij të parë, i qëndron filozofisë së tij dhe se janë lojtarët e Bayern që duhet t’i përshtaten asaj dhe jo anasjelltas.
“Unë kam filozofinë time dhe do ta përdorim atë kundër Hamburgut, Shtutgartit dhe të tjerëve përgjatë vitit të ardhshëm”, deklaroi Guardiola në një konferencë shtypi.
“Unë nuk erdha këtu për të ndryshuar kulturën e futbollit gjerman, por kam idetë e mia për lojën. Nuk mund t’u mësoj lojtarëve idetë e një trajneri tjetër, kështu që janë ata që duhet t’u përshtaten ideve të mija”, ka thënë spanjolli.
Më tej, ai ka komentuar edhe ndeshjen me Realin. “Humbja kundër Real Madrid ka përforcuar më tej filozofinë time. Në humbëm në gjysmëfinale përballë një ekipi të madh. Këto gjëra ndodhin përherë, edhe pse është turp”, ka shtuar Guardiola.
Top Channel
