Kinë, rrafshohet kisha, ndërtim ilegal

Zyrtarët lokalë përgjegjës për shkatërrimin thonë se kisha ishte një ndërtim ilegal, me katërfishin e përmasave të lejuara për një strukturë të tillë. Por, grupet e të krishterëve janë të shqetësuar se shkatërrimi i saj sinjalizon një fushatë zyrtare kundër organziatave fetare.

Për ndërtimin e kishës së Sanjiang-ut u deshën 12 vjet dhe 30 milionë juanë (4,7 mln dollarë), raporton media kineze. Ngritja e saj ishte një simbol adhurimi në një qytet me 15% të krishterë.

Shkatërrimi i kishës, të hënën, u pasua nga një debat njëmujor mes mbështetësve të kishës dhe autoriteteve lokale, teksa mbështetësit kishin pushtuar kishën në shenjë proteste kundër shkatërrimit të saj.

Kisha dikur ka qenë një projekt i miratuar nga qeveria për “Lëvizjen Patriotike 3 Vetët”, zyrtarisht një kishë protestante e dënuar nga shteti. Shtatorin e kaluar ajo konsiderohej nga qeveria lokale si një projekt model inxhinierik.

Por, që prej atëherë, retorika e zyrtarëve ka ndryshuar me 180 gradë. Jin Leibo, një zëdhënës nga departamenti i propagandës në rajonin Yongjia, ku kisha Sanjiang ndodhej, tha për CNN se kisha u shkatërrua për shkak se ishte “e paligjshme”.

“Zona e ndërtimit duhet të ishte brenda 1881 metrash katrorë, por ajo ishte ndërtuar në mënyrë ilegale në 7928 metra katrorë”, tha Jin. Kishës i ishte kërkuar të vetëkorigjohej brenda 22 Prillit, por punëtorët kishin mundur të lironin vetëm 500 metra katrorë deri në afatin e skadencës, sipas zyrtarëve.

Ndaj dhe mbrëmjen e së hënës kisha u rrafshua nga buldozerët.

Top Channel