Një shpërthim ka tronditur një stacion hekurudhor në rajonin perëndimor të Kinës, Xinjiang, duke lënë 3 viktima dhe duke plagosur 79 të tjerë, raportojnë zyrtarë dhe media shtetërore.
Shpërthimi tronditi stacionin hekurudhor në jug të Urumqi-t, mbrëmjen e së mërkurës, thanë zyrtarët, sipas të cilëve shkaku i shpërthimit është ende i paqartë. Ata shtuan se skena e ngjarjes “ishte nën kontroll”.
Xinjiang ka përjetuar disa përplasje të dhunshme gjatë muajve të fundit. Presidenti kinez Xi Jinping vizitoi rajonin gjatë kësaj jave dhe premtoi të forconte përpjekjet anti-terrorizëm.
Verifikimi i raportimeve nga rajoni është i vështirë, për shkak se nxjerrja e një fluksi kaq të madh informacioni nga rajoni Xinjiang është tmerrësisht i kontrollueshëm.
Rreth orës 19:10 të datës 30 Prill, një shpërthim ndodhi në daljen e pasagjerëve në stacionin jugor të Urumqi-t, kur treni K453 nga Chengdu drejt Urumqi mbërriti në stacion, duke shkaktuar viktima”, tha portali i lajmeve të qeverisë lokale.
Dëshmitarë thanë për agjencinë e lajmeve Xinhua se shpërthimi duket se ishte i përqendruar nga bagazhet e lëna në terrenin midis daljes së stacionit dhe një stacioni autobusi.
Top Channel
