Rusi, Navalny gjobitet për shpifje

Navalny mohon të ketë çuar një mesazh të tillë dhe ka apeluar çështjen, e cila kishte vendosur ta gjobiste atë me 300 mijë rubla, apo rreth 8400 dollarë.

Navalny është një personat më anti-korrupsion në rusi, si dhe lider i kritikuesve të presidentit Vladimir Putin. Ai gjendet aktualisht në arrest shtëpie, për një tjetër çështje gjyqësore.

Pikërisht në këtë status aktual të arrestit shtëpiak, i cili iu vendos 2 muaj më parë, atij i ndalohet të presë vizita apo të komunikojë nëpër rrjetet sociale. Llogaria e tij në Twitter menaxhohet nga ndihmësit e tij.

I injoruar fuqishëm nga media kryesore shtetërore e Rusisë, Navalny është mbështetur më së shumti në mediat sociale për të mobilizuar mbështetësit e tij dhe për të organizuar tubime.

Ai është duke kaluar momentalisht dënimin e pezulluar për akuzën e mashtrimit prej 16 milionë rublash ndaj një firme druri në vitin 2009. Ndërkohë që gjykata pritet të vendosë gjatë kësaj fundjave nëse arresti shtëpiak i Navalny-t do të shtyhet më tej, apo ai do të rikthehet në qeli.

Akuza ndaj tij për shpifje shërben si shkak që, dënimi i pezulluar i tij të konvertohet në periudhë për t’u kaluar në burg.

Vitin e kaluar, Navalny doli i dyti në zgjedhjet për kryetar Bashkie të Moskës, i mbështetur nga 1/3-ta e votuesve. Ai ka këmbëngulur gjithnjë se akuzat ndaj tij janë politikisht të motivuara.

Top Channel