Mbetjet mortore të gjetura në Rudnicë të Rashkës iu takojnë shqiptarëve të vrarë gjatë luftës në Kosovë, kanë konfirmuar analizat e ADN-së.
Këtë e ka bërë të ditur shefi i delegacionit serb në grupin punues për personat e pagjetur, Veljko Odaloviç për Radion Evropa e Lirë në gjuhën serbe.
“Pasi i kemi nxjerrë trupat e pajetë, menjëherë ua kemi dorëzuar Komisionit ndërkombëtar për persona të pagjetur, të cilët kanë konfirmuar identitetin e tyre, se janë shqiptarë që janë zhdukur gjatë konfliktit në Kosovë”, ka thënë Odaloviç.
Varreza masive në Rudnicë të Rashkës u zbulua në dhjetor të vitit të kaluar. Muajin e kaluar pala kosovare akuzoi Serbinë për sjellje destruktive në lidhje me fazat e mëtejshme të gërmimeve.
Top Channel
