Komisioni për Punë të Brendshme, Siguri dhe Mbikëqyrje të Forcës së
Sigurisë së Kosovës ka proceduar për lexim të parë Projektligjin për
Komisionerin e Kuvendit të Republikës së Kosovës në Forcën e Sigurisë së
Kosovës.
Komisioneri që mbikëqyr për llogari të Kuvendit, Forcën e Armatosur dhe Policinë është një nismë e deputetit te VV Rexhep Selimi në bashkëpunim me Komisionin e Sigurisë dhe ka për bazë një model të ngjashëm në Bundestagun gjerman.
Sipas anëtarëve duhet të bëhen disa ndryshime të domosdoshme me ndërrimin e misionit të Forcave të Sigurisë, pasi në formën e tanishme të Projektligjit sipas MPB-së mund të shkaktojë përzierje të kompetencave dhe mekanizmave të brendshëm dhe të jashtëm që e mbikëqyrin Policinë e Kosovës.
Mospajtimet rreth ligjit nga Ministria e Punëve të Brendshme Projektligji paraqesin konflikt me Ligjin mbi Inspektoratin Policor. Por vërejtjet e MPB-së u vlersuan si të paarsyeshme për shkak se nuk ka paralelizëm e as përzierje të kompetencës në mes të Komisionerit dhe Inspektoratit Policor.
“Por do të isha për me shumë kujdes sa i përket heqjes te atij komponenti, i cila ka të bëjë me Policinë për shkak se kjo e prek krejt strukturën e Ligjit. Ju e dini qëështë gjysma e asaj çfare trajton ky ligj,është gjysma ushtria, gjysma policia. Duke filluar edhe nga trajtimi që i bënë gjatë strukturës së ligjit, por duke filluar edhe në strukturë sepse aty kemi përcaktuar edhe strukturën”, tha Selimi.
“Ata ose nuk e kanë kuptu mirë qëllimin e këtij Ligji edhe nuk kanë patur mundesi per ta sqaruar prej dikujt prej anëtarëve të komisionit apo prej profesionalistëve. Nuk dua te mendoj qe qëllimisht po pengohet formimi i një institucioni të tillë”, u shpreh Fatmir Xhelili.
Autorizimet që parashikon ky projektligj mund të shkaktojnë probleme në funksionimin e mekanizmave të brendshëm, si mbikëqyrësit e drejtpërdrejtë nëpër nivelet e organizimit, Drejtoria e Standardeve Profesionale, Komisioni i Brendshëm disiplinor dhe Komisioni i Ankesave dhe Shpërblimeve.
Top Channel
