‘Luftë’ bandash në Pejë, dy të vdekur
21/03/2014 00:00
Dy të vdekur dhe 6 të plagosur është bilanci i një përleshje të armatosur mes dy grupeve në një zonë të qytetit të Pejës.
Ngjarja ka ndodhur rreth orës 15:40 minuta në afërsi të një hoteli në rrugën që lidh Pejën me Deçanin. Njëri nga të vrarët është person i njohur për policinë, ndërkohë që ende nuk dihen motivet e këtij krimi që tronditi banorët e kësaj zone.
Zëdhënësi i policisë, Baki Kelani tha nëpërmjet telefonit se policia po vazhdon hetimet në vendin e krimit. Disa autorë të kësaj ngjarjeje janë të njohur për policinë, mirëpo ende nuk ka asnjë të arrestuar dhe aktualisht po bëhet kqyrja e vendit të krimit.
Top Channel