Shpërthimi në New York, 7 viktima

Më shumë se 250 zjarrfikëse janë përballur me flakët në vendngjarje, pranë Rrugës 116 dhe “Park Avenue”. Shërbimet e trenit drejt dhe nga Terminali “Grand Central” janë rikthyer në funksionim pas një kohe të gjatë ndërprerje të plotë.

Kryebashkiaku i New York City-t, Bill de Blasio, tha në një konferencë për shtyp nga vendi i ngjarjes se rrjedhja e gazit është raportuar te kompania e shërbimeve 15 minuta para shpërthimit, mëngjesin e së mërkurës.

De Blasio tha se “shpërthimi i fuqishëm” shkatërroi dy ndërtesa dhe dëmtoi rëndë edhe struktura të tjera. Zyra e kreut të Bashkisë konfirmoi gjithashtu për agjencinë e lajmeve “Associated Press” se 9 persona rezultojnë ende të zhdukur, edhe gjatë pasdites së të mërkurës.

Departamenti i zjarrfikësve të New York-ut e ngriti këtë incidentin në nivelet më të larta të mundshme të kërcënimit. Sipas tij, 22 persona janë plagosur, por numri i raportuar nga spitalet lokale për ABC News thuhet të ketë kapur shifrën e 64 personave të shtruar me plagë të shkaktuara prej incidentit.

Në këto shifra përfshihen edhe 7 fëmijë, një prej të cilëve në gjendje kritike për jetën. Kreu i kompanisë së shërbimeve, Con Edison, tha se një rezident pranë ndërtesës raportoi për rrjedhjen e gazit pak para shpërthimit.

Rrugët dhe trotuaret përreth vendit ishin mbushur plot me xhama të thyer, ndërsa dëshmitarët raportuan se shpërthimi i fuqishëm preku edhe artikujt në rastet e dyqaneve përreth.

Autoritetet në zonë njoftuan banorët për mbajtjen e maskave medikale për rezidentët, për shkak të tymit të dendur në vendngjarje. Një dëshmitar tha për BBC se “kishte një panik të theksuar” në zonën përreth pas shpërthimit.

Top Channel