Tevez: Seria A, kampionati më i vështirë
07/03/2014 00:00
Superkupa e Italisë; Napoli dhe Bologna, luajnë gjithçka në Riad, sfida në Digitalb 22/12 10:13
Carlos Tevez ka luajtur në Argjentinë, Brazil dhe Angli, përpara se t’i bashkohej në verë Juventusit, por kaq pak kohë në Torino i kanë mjaftuar atij që të kuptojë se kampionati italian është mbi të tjerët.
Në një intervistë për faqen e klubit, Tevez theksoi se ndonëse Seria A nuk e ka më atë fuqinë për të tërhequr yjet më të mëdhenj të futbollit botëror si në vitet 1990 dhe fillim të viteve 2000, në pikëpamjen teknike mbetet pa rivalë.
“Seria A është kampionati më i vështirë taktikisht në të cilin më është dashur të luaj ndonjëherë”, tha Tevez.
Në lidhje me formën e treguar prej Juventusit në këtë sezon, argjentinasi shtoi: “Të gjithë e dimë se çfarë potenciali kemi brenda dhe jashtë fushe. Jemi një skuadër e fortë dhe jemi shumë të vështirë për t’u mundur kur luajmë të bashkuar. Juventusi është një klub i madh. E kupton se sa i madh është Juventusi vetëm kur sheh se si të gjithë skuadrat e tjera duan kaq shumë të na mundin”.
Tevez ka realizuar për Juventusin 15 gola, në 26 ndeshje kampionati, që kur ju bashkua bardhezinjve nga City në verën e 2013-s.
Top Channel
