Kosovë, reforma zgjedhore, rrugë e gjatë
03/03/2014 00:00
Arrestohen dy persona nën dyshime për krime lufte në Istog 29/10 16:37
Skema e ngjyrave
Madhësia e shkrimit
Reforma zgjedhore në Kosovë duket se nuk do të përfundojë edhe aq shpejtë sa ishte paralajmëruar në fillim. Kjo, pasi Kryesia e Kuvendit do të kërkojë mendim nga qeveria për projektligjin për zgjedhjet e përgjithshme.
Këtë e bëri të ditur kryeparlamentari Jakup Krasniqi pas mbledhjes së kryesisë. Sipas rregullores së Kuvendit të Kosovës, qeveria duhet të deklarohet për projektligjin brenda një muaji.
Një projektligj tjetër, i cili është në pritje të proçedimit në seancë por që po kështu do të vonohet, është ai për veteranët e Ushtrisë Çlirimtare të Kosovës.
Megjithë ultimatumin e shoqatave të luftës se pas datës 10 mars nuk do të marrin përgjegjësi për verimet e tyre, kryetari Krasniqi paralajmëroi se projektligji mund të proçedohet javën e ardhshme.
Ai në të njëjtën kohë kërkoi mirëkuptim nga përfaqësuesit e shoqatave të luftës, pasi sipas tij nuk mund të anashkalohen proçedurat e Kuvendit.
Top Channel
