Skiatorja ruse, Maria Komissarova nuk do të jetë më në gjendje të ecë sërish, informuan të premten mediat ruse.
E dëmtuar gjatë një stërvitje përpara një gare në Sochi, Komissarova pësoi disa fraktura, më seriozja prej të cilave në shtyllën kurrizore.
23-vjeçarja, e cila kishte nisur Olimpiadën me objektivin e fitimit të medaljes së artë, mbërriti në spital në gjendje kritike për jetën dhe u stabilizua pas një operacioni që zgjati tetë orë.
Ajo u vizitua në spital nga presidenti i Rusisë, Vladimir Putin, por pas rikuperimit të vetëdijes, tashmë Komissarova ka konfirmuar frikën më të keqe, ajo e ka të pamundur të ndiejë apo të lëvizë trupin nga mesi e poshtë.
Për momentin, mjekët nuk e përjashtojnë kategorikisht që ajo të ecë sërish, pasi raste të tilla tepër të rralla kanë ndodhur më parë, por ata konfirmojnë se frika e tyre më e keqe është konfirmuar.
Top Channel
