Lajme aspak të mira për Milanin, ku infermieria vijon të mbushet, edhe pas ndeshjes së Champions League, të humbur 0-1 ndaj Atletico Madrid.
Mario Balotelli dhe Mattia de Sciglio janë të detyruar të lihen jashtë transfertës së kësaj fundjave në kampionat, ndaj Sampdorias.
SuperMario ka pësuar një dëmtim në supin e djathtë, një enjtje pa shumë rrezik, ndaj dhe do të duhet të bëjë rreth 10 ditë pushim.
Ndërkohë, për mbrojtësin e djathtë lajmi është edhe më i rëndë, pasi ka ndrydhur kaviljen e këmbës së majtë. Ende nuk mund të flitet për kohën e nevojshme për rikuperim.
Lajmi është publikuar përmes një deklarate zyrtare në faqen e internetit të klubit kuqezi, pas vizitave për kontrolle më të detajuara te mjeku specialist. Me rëndësi, sipas klubit të Milan, është që De Sciglio nuk ka thyerje.
Top Channel
