Shpëtohen pasagjerët e akullthyeses
02/01/2014 20:35
Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Pas shumë vështirësive, evakuimi i 52 pasagjerëve të anijes ruse “Akademik Shokalskiy” konsiderohet mision i përmbushur. Që të gjithë janë dërguar në bordin e “Aurora Australis”, me helikopterin e një akullthyeseje kineze, e cila ishte në zonë prej ditësh, për të ndihmuar në operacionin e zgjatur të shpëtimit.
“Shokalskiy” u bllokua që në vigjiljen e Krishtlindjes. 22 anëtarët e ekuipazhit të saj priten të qëndrojnë në bord, edhe pas largimit të shkencëtarëve dhe turistëve.
Anija ngeci mes akujve, e shtyrë nga erërat e forta rreth 1,500 milje detare në jug të Hobartit, kryeqytet i shtetit australian të Tasmanisë.
Ajo po përdoret nga një ekspeditë australiano-aziatike, që synon të ripërshkojë rrugën e ndjekur nga eksploruesi Douglas Maëson, një shekull më parë.
Operacioni i shpëtimit u mbyll brenda disa orëve, duke përmbushur kështu të gjitha pritshmëritë.
Disa përpjekje ishin bërë për shpëtimin e njerëzve të bllokuar, por kur anija australiane “Aurora Australis” nuk arriti të çante akullin 3 metra të trashë, u vendos të përdorej helikopteri në akullthyesen kineze.
Pavarësisht situatës së tyre, shkencëtarët i vazhduan eksperimentet, duke matur temperaturën dhe kripësinë e ujit nëpërmjet të çarave në akujt rrethues.
Një prej qëllimeve të ekspeditës është të zbulojë se sa shpejt po shkrin shtresa e akullit në Antarktidë. Anija ka rezerva të shumta ushqimore dhe njerëzve në bordin e saj nuk i është kanosur për asnjë çast ndonjë rrezik.
Top Channel
