Ferrari 2014 do të prezantohet në fund të janarit. Ndërsa ende nuk dihet vendi se ku do të kryhet ky prezantim zyrtar, ajo që është e sigurtë se “Kokëkuqja” e re do të pagësohet në bazë të një emri të votuar nga tifozët e saj në internet.
Ky ishte njëri ndër detajet e bëra publike nga presidenti Luca di Montezemolo, i cili zbuloi gjithashtu se testet e makinës së re do të nisin më 28 dhe 29 janar fillimisht me Kimi Raikonen dhe më pas me Fernando Alonso-n.
Në analizë të sezonit të përfunduar, Montezemolo rënditi 3 arsyet e dështimit. E para, Ferrari nuk ishte në gjendje të përmirësonte makinën gjatë sezonit, e dyta ndryshimi i imponuar i gomave dhe arsyeja e tretë mungesa e pikëve nga Massa për të siguruar titullin për konstruktorë.
Sa për kampionatin e 2014 ai shprehet optimist për disa arsye. E para sipas tij, makina është përmirësuar ndjeshëm, sidomos në pjesën aerodinamike të saj dhe tjetra organizimi i strukturës së skuderisë, që në këtë sezon do të drejtohet nga Allison.
Top Channel
