Kryeqyteti mbetet pa përfaqësues në çerekfinalet e Kupës së Shqipërisë, pasi ndeshjet e zhvilluara të mërkurën sollën eliminimin e Partizanit dhe Tiranës.
Të dy skuadrat kryeqytetase u dorëzuan vetëm pas kohës shtesë, me të kuqtë që humbën minimalisht në Shkodër dhe bardheblutë, që ndonëse fituan 90 minutat e kohës së rregullt, lejuan Lushnjën që të shënonte një gol vendimtar nëpërmjet Cankës në minutën e 118′, teksa trajnerët po përpilonin listën e futbollistëve që do të gjuanin penalltitë.
Në ndeshjet e tjera, spikati përmbyshja 4-0 që Kukësi i bëri humbjes në Fier dhe suksesi i Bylisit në fushën e Kastriotit, pas barazimit të parë në Ballsh.
Rezultatet e ndeshjeve të Turit të Dytë
Skëndërbeu-Mamurrasi 2-0 (4-1)
Teuta-Shkumbini 2-0 (0-0)
Tirana-Lushnja 1-1 (0-1)
Laçi-Besa 4-2 (2-0)
Kukësi-Apolonia 4-0 (0-1)
Flamurtari-Tomori 4-2 (2-0)
Vllaznia-Partizani 1-0 (0-0)
Kastroti-Bylis 2-3 (1-1)
Përballjet e Turit të Tretë
Laçi-Skëndërbeu
Bylis-Kukësi
Lushnja-Teuta
Vllaznia-Flamurtari
Top Channel
