Afganistan, vriten gjashtë ushtarë të ISAF-it
17/12/2013 15:15
Analiza e REL: Irani po tenton të zgjerojë ndikimin e tij në Afrikë duke i ofruar armë, partneritet dhe kaos 25/04 08:49
Gjashtë ushtarë të koalicionit të udhëhequr nga NATO në Afganistan humbën jetën ditën e martë, në një aksident të ndodhur në jug të vendit.
Lajmi u konfirmua nga një zëdhënës i ISAF-it (International Security Assistance Force).
Aksidenti ndodhi pranë qytetit të Zabubilit dhe rrethanat e tij janë ende nën hetim.
Të dhënat e para nuk fajësojnë aktivitetin armik për këtë aksident rrugor, por nuk mund të përjashtohet shkelja e një mine nga automjeti që po udhëtonin ushtarët.
Shtetësia e viktimave nuk është bërë ende e njohur.
Së bashku me gjashtë ushtarët e mbetur të vdekur këtë të martë, numri i përgjithshëm i të humburve të ISAF-it rritet në 3 395 ushtarë, midis të cilëve edhe rreshteri shqiptar Feti Vogli, i vrarë në aksion gjatë 2012-s.
Shqipëria është një prej vendeve që i është bashkuar misionit të ISAF-it që prej fillimit të tij, menjëherë pas pushtimit të vitit 2011.
Aktualisht, vendi ynë mban në Afganistan një numër prej 216 ushtarësh.
Top Channel
