Çmimet e Filantropisë 2013
06/12/2013 22:50
Ndërtesa në formë pule më e madhe në botë, është gjithashtu hotel në ishullin turistik (fotot)
27/11 18:09
Në kryeqytet janë ndarë çmimet e Filantropisë për vitin 2013, një aktivitet që zhvillohet nga “Partnerët Shqipëri, Qendra për Ndryshim dhe Menaxhim Konflikti” për të vlerësuar individë, familje dhe biznese, të cilët kontribuojnë në përmirësimin e cilësisë së jetës në shoqëri.
Ndër çmimet që u ndanë ishte ai për kontributin e veçantë si individ, i cili iu dha Keti Bazhdarit, mes të tjerash për kontributin në ndihmë të artistëve dhe familjeve në nevojë.
Çmimi special “Pionier i Filantropisë” shkoi, pas vdekjes, për biznesmenin dhe bamirësin Anastas Avram Lakçe, çmim që u anoncua nga presidentja e “Top Media”, Vjollca Hoxha.
“Ky çmim i jepet me motivacionin për kontribut të shquar në përhapjen e gjuhës shqipe, përmes mbështetjes së botimeve shqip, financimit për hapjen e shkollës së parë në Korçë dhe mbështetjen e botimit të një prej veprave më të shquara të letërsisë “Shqiptarë të Rilindjes”, “Bagëti e Bujqësi”, të Naim Frashërit”, u shpreh presidentja e “Top Media”, Vjollca Hoxha.
Çertifikatë mirënjohjeje iu dorëzua Znj. Kozara Kati, për kontributin e çmuar në mbrojtje të të drejtave të njeriut, iniciativën dhe mbështetjen e çështjeve sociale.
Të pranishëm në aktivitet, mes të tjerësh, dhe ministri i Mirëqenies Sociale dhe Rinisë, Erion Veliaj, përfaqësues të bizneseve, të medias dhe donatorë.
Top Channel
