Spanja: Skocia e pavarur, jashtë BE-së
28/11/2013 15:15
Arrestimi i gazetarëve të pavarur në Rusi, ndalohet 41-vjeçari 28/04 18:23
Spanja do të vendosë veton kundër qëndrimit të Skocisë në Bashkimin Europian, nëse referendumi për pavarësi nga Britania e Madhe do të sanksionojë “divorcin” nga Mbretëria e Bashkuar.
Kryeministri Mariano Rajoy theksoi se nëse “një territor i caktuar vendos të largohet nga sovraniteti i një shteti anëtar, atëherë duhet të mbetet edhe jashtë BE-së”.
Sipas tij, më pas shteti i ri duhet të nisë procedurat e anëtarësimit dhe të marrë aprovimin e të 28 vendeve anëtare, në mënyrë që të anëtarësohet.
Qeveria skoceze po lobon që të mbetet brenda BE-së, nëse referendumi do të sanskionojë shpalljen e pavarësisë.
Ndjeshmëria spanjolle ndaj pavarësisë së mundshme skoceze lidhet me referendumin e paralajmëruar prej Katalunjës dhe nga mundësia që diçka e tillë të ndodhë edhe në krahinën baske, e cila prej dekadash kërkon pavarësinë nga Spanja.
Top Channel
