Një libër i vogël psalmesh, që daton më 1640-n, ka hyrë në histori si libri i botuar më i shtrenjtë në botë, teksa u shit në ankand në New York për 14,2 milionë dollarë afërsisht.
Libri “The Bay Psalm” është i pari libër i shtypur i njohur, mbi atë që sot janë Shtetet e Bashkuara. Ai u publikua në Kembrixh të Massachusetts-it, nga udhëheqësit puritanë të Kolonisë së Gjirit të Massachusetts.
Libri kishte për qëllim të ishte një përkthim i përpiktë në anglisht i psalmeve origjinale në gjuhën hebreje. Por, ai nuk është libri më i shtrenjtë në botë, pasi këtë “vlerësim” e ka fituar dorëshkrimi i Leonardo da Vinci-t, që u shit për 30,8 milionë dollarë në vitin 1994.
Kompania e ankandeve “Sotheby”, që nxorri në shitje librin “The Bay Psalm” mbrëmjen e së martës, bëri të ditur se ai u ble nga një financieri dhe filantropisti amerikan, David Rubenstein, i cili ka planifikuar ta huazojë atë për bibliotekat anembanë vendit.
Libri u shit nga Kisha e Vjetër Jugore e Bostonit, ku themeluesi At Benjamin Franklin u pagëzua dhe ku u mbajtën një sërë takimesh që çuan në krijimin e “Tea Party” në Boston.
Ai është një nga 11 kopjet e njohura, që ka mbetur në qarkullim, nga 1700 kopje në total që janë botuar nga origjinali.
Kisha e Vjetër Jugore ka edhe një tjetër kopje, të cilën ka deklaruar se nuk ka në plan ta shesë. 9 librat e tjerë janë tashmë artikuj të çmuar në koleksionet madhore apo biblioteka.
Prifti Nancy Taylor, ministër i lartë i Kishës, tha në prill: “Është një libër spektakolar, padyshim, një nga librat më të rëndësishëm të historisë së këtij kombi”.
Një nga kopjet e librit “Bay Psalm” vendosi rekord në vitin 1947, kur u shit për 151 mijë dollarë, duke tejkaluar çmimet e paguara në të njëjtën kohë për Biblën e Gutenberg dhe “First Folio”-n e Shekspirit.
Top Channel
