Y “i padobishëm” (thuajse) për riprodhimin

Puna e saj kërkimore u përqendrua tek kromozomi Y, simboli mashkullor që bën dallimin e meshkujve nga femrat dhe përgjegjës për formimin e spermatozoideve.

Rezultati i studimit të saj, i publikuar në revistën shkencore “Science” përmban dy lajme, njëri gjysmë i mirë dhe tjetri gjysmë i keq (të paktën nga këndvështrimi mashkullor). Sipas saj, kromozomi Y është mbivlerësuar në procesin e riprodhimit duke i dhënë “merita që s’i takojnë”. Ward dhe grupi i saj thonë se ky kromozom ka një rol thuajse të padobishëm në procesin e riprodhimit.

Grupi mbërriti në këtë përfundim pas lindjes me sukses të dy minjve të vegjël duke përdorur vetëm dy gene. Duke konsideruar se njeriu ka 24 gene, kontributi mashkullor në riprodhimin e minjve në testin e Ward, është minimal.

Ky ishte lajmi i keq për meshkujt (të paktën për minjtë). Lajmi i mirë (për njerëzit) është se rezultati i kërkimit të biologes Ward dhe grupit të saj i dha një tjetër goditje teorisë që prej vitesh terrorizonte meshkujt; asaj të zhdukjes së tyre.  Sipas kësaj teorie, kromozomi Y humbet 4-5 gene të tij për cdo 1 milion vjet. Kjo teori e shihte këtë kromozom si një kopje të keqe të kromozomit X e paracaktuar për t’u zhdukur.

Frika për zhdukjen e meshkujve të species njerëzore lindi gjatë një studimi vite më parë. Sipas këtij studimi, rreth 300 milion vjet më parë, kur kromozomi X dhe ai Y u diferencuan, Y kishte 1 mijë gene. Sot këto fragmente të ADN-së janë reduktuar në 78.

Problemi me kromozomin Y, sipas studiuesve është “vetmia”. Ndërsa kromozimi X ndodhet në bërthamën qelizore në dy kopje, Y i meshkujve ka përballë një partner krejt të ndryshëm me të cilin komunikimi është thuajse zero, kromozomin X, që femrat kanë në dy kopje.

Top Channel