Tefta Toro, parashutistja e parë femër
26/11/2013 00:00
“E urrej të shkoj në shtrat natën”, familja Osbourne rrëfen dhimbjen pas vdekjes së Ozzy-t 13/11 08:19
“45 vjet më parë, në moshën më të përshtatshme për të treguar forcën dhe karakterin e vajzave të asaj kohe, vendosa të sfidoj veten dhe të hidhesha me parashutë nga 1000 metra.”
Flora Toto Shqevi është e para parashutiste femër në Shqipëri. Dhe jo vetëm. Ajo është një nga 5 femrat që për herë të parë u futën në Insitutin e Lartë të Kulturës Fizike e më pas pedagogia e parë femër në këtë Institut, gjithashtu dhe trajnerja e parë femër në gjimnastikë.
Rrugë të pashkelura më parë nga femrat që përveç përkushtimit të madh i dhanë edhe kënaqësi të pashlyeshme në jetën e saj.
“Unë kisha ëndërr të bëhesha pilote, por meqë kjo gjë ishte e pamundur, të paktën arrita të fluturoja”, thotë Flora.
Në karrierën e saj të gjatë, sportistja e njohur, kampione kombëtare në gjimnastikën artistike dhe akrobacinë sportive për shumë vite me radhë, ka arritur të marrë shumë tituj, urdhra e medalje, por eksperienca e parashutës mbetet një ndër më të dashurat e saj edhe pse për të mori vetëm një fletë lavdërimi.
“Parashuta më shoqëroi gjithë jetën. Edhe vjehrra krenohej duke thënë se nusja ime u hodh për herë të parë me parashutë.”
Top Channel
