BE, rritja e popullsisë, 80% nga emigracioni
20/11/2013 21:25
“Duam garantimin e jetës së palestinezëve”, Hamasi i vendos Izraelit kushtin për arritjen e armëpushimit 30/04 22:17
80% e shtimit të popullsisë gjatë vitit 2012 në vendet e Bashkimit Europian erdhi si rrjedhojë e emigracionit, raportoi Instituti Europian i Statistikave, “Eurostat”.
Raporti vjetor mbi popullsinë u publikua ditën e mërkurë, duke hedhur dritë me përmasat që ka arritur emigracioni në BE.
Në total, nga 28 vende anëtare, popullsia njohu rritje në 17 prej tyre, me vendin e parë të mbajtur nga Luksemburgu, ndjekur prej Maltës, Suedisë, Britanisë së Madhe dhe Belgjikës.
Rënia më e madhe e popullsisë u regjistrua në tre republikat balltike, Greqi dhe Bullgari, vendi me normën më të lartë të vdekshmërisë gjatë vitit (15,6 për 1 mijë banorë).
Norma më e ulët e vdekshmërisë regjistrohet në Holandë.
Popullsia e përgjithshme e BE-së në 1 janar 2013 ishte prej 505,7 milionë banorë, ndërsa gjatë vitit të shkuar lindën 5,2 milionë foshnje e ndërruan jetë 5 milionë persona.
Top Channel
