Policia e Elbasanit ka arrestuar mëngjesin e kesaj te shtune 23 vjeçarin
Dorian Kristo, me akuzën e “shkeljes së rregullave të qarkullimit
rrugor”.
Mbrëmjen e së premtes në aksin Tiranë- Elbasan, 23 vjeçari Kristo, duke drejtuar makinen tip Audi Q7 humbi kontrollin mbi mjetin dhe për pasojë u përplas me mjetin tip Benz, me targë TR 0044Z, ku ndodhej nënkryetari i parlamentit Edmond Spaho.
Policia në vendin e ngjarjes konstatoi se shkak i aksidentit, me pasojë plagosjen e lehtë të deputetit Edmond Spaho dhe shoferit të tij, ka qenë shpejtësia tej normave të lejuara me të cilën udhëtonte 23-vjeçari. Ky i fundit ka humbur kontrollin e mjetit, shumë afër daljes së tunelit Tiranë – Elbasan, duke u përplasur kështu me mjetin me targa Tirane, i cili udhetonte nga Elbasani në drejtim të Tiranës.
Policia arrestoi në vendin e ngjarjes 23-vjeçarin, ndërsa transportoi për në spitalin rajonal nënkryetarin e Parlamentit, Edmond Spaho dhe shoferin e tij. Në orët e vona të mbrëmjes së të premtes, nënkryetari i Parlamentit doli nga spitali i Elbasanit për t’u nisur drejt Tiranës.
Top Channel
